رائج
أساسيات المكياج من شوشو مجيد

شوشو مجيد: الخطوات الصحيحة لعمل المكياج

كتبت الدكتورة الصيلانية وخبيرة التجميل شوشو مجيد على صفحتها بفيس بوك بوست وضحت من خلاله الطريقة الصحيحة لعمل المكياج، وذلك لمساعدة من كانت لديه رغبة في عمل مكياج ولكن لا يعرف الطريقة

وتعتبر شوشو مجيد من خبيرات الالتجميل اللائي يلقين متابعات عالية من متابعات الفيس بوك، كما لها أسهامات عديدة في مجال الأهتمام بالبشرة ومساعدة السيدات من خلال نصائح تقوم بتقديمها بصورة راتبة على فيس بوك

اليك سيدتي تلك الخطوات:

1- لازم واهم اهمم شي لو دايره مكياج حلو وناير تبدي بي وش نضييييف مافيو شعر او قشره او دهون زايده ..عشان كده اعملي فيشل قبل مناسبتك بي اسبوع او تقشير بي سكر خشن مع عصير ليمونه وكم نقطه زيت لوز حلو في العدم.
 
2-رطبي البشره بنوع مرطب مناسب مع نوع بشرتك ..مرطب اويل فري للبشره الدهنيه والمركبه او عادي للبشره الجافه.
 
3-استعملي برايمر حسب مشاكل البشرة يعني لو دهنيه استعملي برايمر بمنع افراز الدهون ..ولو البشره ماناعمه ومحفره استعملي برايمر اساسو سيليكون عشان يملا فراعات البشره ويخليها سطح مستوي يسهل فرد الاساس عليو ..في برايمرات بتعمل كل ده مع بعض ممكن تكتفي بيها وخلاص.
 
4-اختاري درجه الاساس المناسبه للبشره بانك تختبريها علي منطقه ال jaw line ..لانك عاوزه لون وشك و لون رقبتك يكون واحددد..واختاري نفففس لونك يا بالكتير درجه واحده افتح ..اكتر من كده شكلك حيوكن شاحب ورمادي ومااااحلو.
 
5-قبل الاساس لو في مشاكل هالات او شحوب او اثار حبوب استعملي مصحح corrector ..ده عباره عن كونسيلر بس بي الوان معينه بصحح عيوب البشره وبجي كم لون اخضر وبنفسجي واصفر وبرتقالي.
 
6-استعملي الكونسيلر وبرضو يكون بالكتير درجتين تلاته درجات افتح من لونك عشان تحصلي علي طله طبيعيه و جميله مامصطنعه.
 
7- للهايلايت استعملي كونسيلر او highlighter وده بكون في الغالب كونسيلر ليكويد عشان يكون خفيف ويتدمج معاك بسهوله..استعملي في اي حته عاوزه تنوريها ..تحت العين ..عمود الانف..الذقن ..فوق الشفتين و في منتصف الجبهه..ولازم تثبتي بي بدره حره عشان مايخطط ليك وشكلو يكون تقيل وماحلو.
 
8-ثبتي الفاونديشن بي بدره عشان يستمر اطول فتره ممكن ..ممكن بدره حره او مضغوطه وممكن تكون بدره شفافه دي بكون مافيها لون بتثبت الأساس بس يدون تغير لونو او اختاري بدره نفففس لون الاساس بتاعك.
 
9-استعملي الكنتور باودر لتحديد معالم الوجه..يعني ابراز الخدود ونحت الانف وتصغير الجبهه وممكن تحت في ال jaw line لتنحيف الوجه وتصغيره .
 
10-استعملي هايلايت باودر.. ودي بتكون بدره أو كريم بعكسو الضوء وبدو نوره ولمعه طبيعيه للبشره..استعمليها في اعلي منطقه في الخد وعلي عمود الانف واعلي الشفايف..ماتعمليها في الجبهه لانو بتزيت اول شي وحتبقي لامعه جدا مع الزيت والهايلايت.
 
11-اخر شي ممكن تستعملي setting spary عشان يحافظ علي المكيباج لفتره طويييله ويديك لوك طبيعي اكتر ويخلي كل شي مدموج مع بعض بشكل طبيعي.
المصدر: مجموعة الدكتورة شوشو مجيد على فيس بوك

اترك رد

X
X