صينية كنافة بالقشطة والمكسرات

بالفيديو..طريقة عمل الكنافة بالقشطة

للحلويات الشرقية عشاقها الذين يجدون فى أصنافها متعة كبيرة لم يجدوا مثيلًا لها فى أنواع الحلوى الغربية، وبالرغم من تعدد أصناف الحلوى الشرقية إلا أن الكنافة تلقى استحسان الجمييع فتتربع على عرش الحلوى فى كافة المناسبات العربية مثل شهر رمضان الكريم

نقدم لكي سيدتي من خلال هذا الفيديو طريقة عمل الكنافة بالقشطة وبالهناء والشفاء

نصائح عامة:

الكنافه بتبوظ منك او بتطلع ناشفه او بتبقي طريه او مش عارفه تظبطيها تعالي لما اقولك على اسرار هاتخلي الكنافه تظبط 👌👌👌 معاكي

#ملحوظات وتركات او سر الصنعة لعمل الكنافة:

لسهولة تقطعيها صغير: اتركيها تتجمد فى الفريزر

وبعدين افركيها بايدك هاتلاقيها اتقطعت فتافيت صغيرة جدا من التركات المهمة لنجاح الكنافة، اضغطى على الكنافة بعد فرد كل طبقة 

1- ( الكنافه ):

بالنسبه للكنافه اى نوع ممكن نستخدمه طبعا كنافه حتى لو نوعية الكنافه مش كويسه مافى مشكله المهم ما تكنش متماسكه كتله واحده.

2-(السمنه ):

هناك انواع كتير من السمنه ويستحسن تكون سمن بلدى او اى نوع تفضليه مافى مشكله.

3- (سكر بودره وفانليا سائله):

من أهم الاشياء لان السكر بيخلى الكنافه بعد ما تستوى متماسكه ولونها يكون ذهبى رائع والفانليا السائله لما بتدخل الفرن بتذيد ريحتها وبتكون الكنافه لها رائحه ممتاااااازه

4- ( كريم الحشو):

طريقته مثل المهلبيه ويستحسن لا نضيف له السكر حتى لا تصبح الكنافه ثقيله على المعدهلكل كيلو حليب 70 جرام نشا، لما يغلى الحليب ندوب النشا فى كوب ماء ونضيفه للحليب مع التقليب جيدا وتترك لتبرد.
قبل ما نقوم بحشو الكنافه بيها نضيف قليل من السمنه السايحه هتعطيها طعم حلو وتجعلها ناعمه اثناء الاكل.

5- (الشربات او السيرب او القطر)

شربات الكنافه بيكون اتقل من شربات البسبوسه
مقداره بيكون …..كوب ماء+ كوبين سكر+ نص ليمونه مقطعه + نص معلقة فانليا
اهم شيء فى الشربات ان الشربات بعد الغليان بثلاث دقائق فقط تنزليه من على النار لسببين
اولا حتى لا يتغير لونه وطعمه مع الغليان الكتير
ثانيا لو غلى اكثر من الازم بيعمل حموضه فى المعده وحرقان بالصدر

6- (التقديم):

اثناء خروج الكنافه من الفرن بعد التسويه هزى الصينيه علشان تحركى الكنافه لو فى اى حاجه لذقه فى قاع الصينيه.
وبعدين اسقيها بالشربات بارد والكنافه سخنه المهم انك ما تقلبيش الكنافه الا لما تتاكدى انها بردت تماما وبسكينه لفى حول احرف الصينيه من الداخل قبل ما تقلبيها ولما تقلبيها اصبرى عليها ما ترفعى الصينيه الا لما تتاكدى انها نزلت على طبق التقديم.

 

المصدر: مجلة رقيقة على يوتيوب

اترك رد

X
X