رائج
الشاب السوداني الوسيم / كوش نيوز

حالات طلاق بسبب صورة شاب سوداني وسيم

تسببت صورة لشاب سوداني مفتول العضلات تم تداولها عبر وسائل التواصل الاجتماعي السودانية بحدوث عديد من حالات الطلاق والانفصال

انتشرت خلال الأيام الماضية بمواقع التواصل الاجتماعي السودانية صورة لشاب سوداني مفتول العضلات، حيث تسببت هذه الصورة في حدوث العديد من حالات الطلاق وانفصال مخطوبين.

وكانت إحدى الفتيات قامت بنشر صورة لشاب مفتول العضلات وصاحب وسامة كبيرة في مجموعة نسائية شهيرة بموقع (الفيس بوك) وذكرت على الصورة:” يا بنات أي وحده ترسل الصورة دي لراجلها أو خطيبها وتقول ليهو القميص ده لونو أسود ولا كحلي غامق، عشان تشوف إذا بغير عليها ولا برد عادي، وتجي تنزل لينا الإسكرين”. ليقع بعدها العديد من حالات الطلاق والانفصال عند الفتيات.

إلا أن الشاب السوداني المدعو أحمد شلقامي قام بالاعتذار عبر حسابه الشخصي بالفيس بوك قائلاً:” أول شي بحب اعتذر لكل من أتأذي أو أتضرر من صورتي .. مع انو أنا ما عندي أي ذنب ولا دخل في الموضوع من قريب ولا من بعيد..

كل الحصل إنو أنا عندي حساب في فيس بوك زي أي شاب في السودان.. بنزل فيهو صوري الشخصية.. عادي زي كل الناس.. في بت أنا ما بعرفا منو شالت صورتي الشخصية ونزلتا في قروب من قروبات البنات”.

مضيفاً:”طبعا بي طبع الرجل الشرقي والسوداني عموما مافي رجل برضى إنو زوجته أو خطيبته تقارنو بي شخص آخر (حتي لو بالهظار أو المداعبة ).. فكانت أغلب ردات الفعل قوية جداً، وبالرغم من كده لقيت سكرينات لي كتير من الشتائم في حقي … من ناس ما بعرفهم أصلاً ، لكن بحب أقول ليكم أنا مسامحكم لله رب العالمين”.

ونبه في ختام حديثه: (في الأخير انبه لي شئ بي صراحه ..انو نحن في السودان استخدامنا للسوشيال ميديا والفيس بوك خصوصا خاطئ بامتياز ).

كما نبه: “يا ريت نوعي ونفكر في وضعنا و وضع بلدنا البتمر بي أزمات اقتصاديه خانقه وضائقه في شتي مجالات الحياه … ونفكر كيف نحن كشباب حنقدر نساعد نفسنا وأهلنا ومجتمعنا عشان نعبر من المحنه الفيها السودان ..العفو والعافية و بكرر أسفي .. “.

المصدر: كوش نيوز

اترك رد

X
X